قـوآنين قسم الـنقآش الجـاد

1- ( أهمية أختيار الموضوع ) لازم يكون الموضوع المختار جاد وقابل للنقاش وذو قيمة , ويهم شريحة كبيرة من المجتمع, عشان يشارك فيه اكبر عدد من الأعضاء بحماس , وتتعدد وجهات النظر , وبكدا يتميز الموضوع والعضو .

2- ( قراءة الموضوع ) ودا من قبل المتحاورين لازم كل واحد فينا يقرأ الموضوع كويس ويفهمو كويس قبل الرد, واذا حصل أي مشكلة في الفهم ممكن تسأل صاحب الموضوع عن قصدو ... ودا عشان ردودنا تكون مفيدة وفعلا تناقش الفكرة او الاعتقاد المطروح فبلاش * يسلمو وثانكس ..الخ*.

3- ( الاختلاف في الرأي لا يفسد للود قضية ) أحنا هنا بنكتب عشان نتبادل الأراء ووجهات النظر في مساحة فكرية حرة , وموعشان نفرد عضلاتنا الفكرية ولا نستعرض قوانا في فرض أرائنا , عشان كدا أرجو عدم الأستهزاء بالموضوع أو الطعن في شخصية الكاتب وأنو يكون النقد بناء وبدون تجريح.

4- ( حرية التعبير ) لكم الحرية التامة في كتاباتكم ومواضيعكم , مع إحترام الأديان والأخلاق طبعا. لكن أرجو عدم طرح مشكلات تتدخل في خصوصيات الأعضاء أو يكون فيها خدش للحياء أو إساءة.

5- ( حقوق محفوظة ) ممنوع للجميع وضع أي نوع من الروابط أو الأسماء لمنتديات أخرى أو ايميلات لذلك فهيا ستحذف , وممنوع وضع أي مواضيع منقولة بدون كلمة منقول ومناقشة فكرة الموضوع برأي الكاتب.

6- ( صاحب الموضوع هوا صاحب البيت ) عشان كدا مايسير الكاتب يهمل موضوعو وما يرد على باقي الأعضاء , هما دخلوا عشانك ورد عشان يتناقشوا معاك لازم تقدر تعبهم وترد عليهم , بما يليق بردهم وليس مجرد شكرا.

7- ( الأحترام المتبادل ) الكاتب وأصحاب الردود كلنا لازم نلتزم بالأحترام المتبادل ما نغلط على بعض او نستفز بعض .

8- ( القسم المناسب ) على كل عضو التحقق من الموضوع وان يكون ملائماً للقسم من مواضيع وقضايا عامة أو للنقاش والحوار.


*وبعد دا كلو أي موضوع أو رد راح يكون مخالف للنقاط المزكورة فوق راح يحذف أو ينقل وتعتبر مخالفة بدون الرجوع للعضو وراح يكون في تصرف المشرف